خنقة وحر وزنقة..
تفاصيل حياتي اليومية
مش عارف آخد نفسي من ريحة دخان العربية
سواق مهكع بيزعق في اللي رايح واللي جاي "لا شفت أدب ولا تربية"
تفاصيل كان رتمها بطئ و ممل لحد ما جت هي..
مع نسمة هوا خفيفة غطى شعرها على بشرتها الخمرية
شكلها مش مصرية؟
أخيرا جت اللي هتنضف الأوتوبيس من الخلق الفقرية
لسه هتدور على كرسي شاورتلها على الكرسي
اللي جنبيا
أول مطب ركبناه.. مسكت واتشعلقت فيا
قالتلي اني شكلي راجل ويعتمد عليا
ادتني نمرتها قولت بس.. ده الحظ ضحك ليا
جيت أطلع موبيلي أسجلها مالقيتوش.. ولا
لقيتها هي
ضحك السواق من بعيد "هي عملتها فيك؟ آه
يا بنت الحرامية"
ِg
No comments:
Post a Comment