طبل وزمامير .. وضرب نار كتير .. كلكس بيرقص على زغروطة .. وشوش بتضحك وتشاور على العروسة ..
"الحقي يختي دي وحشة اوي، هو العريس اتعمى ولا ايه! وبصي ملهوف عليها قد ايه؟!"
"يوووه واحنا مالنا بس الواد اللي هناك ده قمر انا هروح ارقص معاه"
كله بيجامل وراسم فرحة كدابة .. اكمن العريس احلى من العروسة .. شافوا دموع مامته نازلة، طبطبوا عليها "معلش ماتزعليش" مش عارفين انها ام رافعة راسها بابنها وضناها، فرحته تسوى دموعها وتعبها وشقاها..
"العروسة للعريس والجري للمتاعيس" .. "اااه ياميلة بختك يختي اهي بنتك قاعدة جنبك محدش بيبصلها"، بصة من فوق لتحت "انا بنتي ست البنات ومية واحد يتمناها"
حوارات بالعيون مابتخلصش وكلام بالودان مابيتسمعش والفرح شغال والطبل والزمار ..
No comments:
Post a Comment