-احم احم
=جاهزة؟
-ايوة يا أستاذ، خايفة أوي.
=متخافيش ها يللا ركزي لوسمحتي!!
-حاضر .." الهاا"
=لا إعلي شوية بصوتك!!
-"الههههههههههههاااا"
= متزعقيش
أقولها ازاي طيب؟ "اللللللهههههههااااااااا"
=ممطوطة ممطوطة، قوليها عادي يعني.
-يا أستاذ مش عارفة أركز من حضرتك.
دي أول وآخر وقفة ليها قصاد المايك، مكسوفة ومحرجة أصلها عمرها ماتكلمت جد قصاد الناس، تسجيل واستوديو، وكمان بالفصحى. لقيت نفسها خلاص هنا ده هي مفيهاش غير لسان.
= يللا يا آنسه؟ هو مورناش غيرك!!!؟
-احم احم
"الهاااااااتف الذي طلبته مرفوع مؤقتاً من الخدمة يرجى إعادة الاتصال فيمابعد".
=براڤووووا هايلة سجل يابني، جاهزولنا بقي لسان تاني تقول نفس الكلام بالانجليزي، اللي بعده!!!
No comments:
Post a Comment