شارع منور وفاضي على غير العادة .. ضي قناديله عاكس ضيه في الشارع .. صحّى فيا الحنين لزمن جميل .. كانت الضحكة فيه اعلى من كل الاصوات .. بساطة وسعادة وراحة مبقتش موجودة .. ونش بيكسر في بيت قديم كان ملموم فيه الحبايب .. عامل دوشة وزحمة مش بس في الشارع .. دنيا اتغيرت وقلوب اتفرقت مش بس الشارع .. بس القناديل زي ماهيا .. والضي بتاعها برضو زي ماهوا.. كل الجيران مشيوا والولاد كمان كبروا .. البيت بقى فاضي من صحابه.. والباقي اتمرد على الشارع اللي كان زمان عاجبه .. قالوا الحتة اتغيرت ومبقتش قد المقام .. نبيع البيت ونسيب الشارع كمان .. بس مكانه في قلوبهم زي ماهوا بفرحة وذكرى وضحكة كانت من زمان منسية ..
No comments:
Post a Comment