زحمة فظيعة وصوت عالي .. كله قرفان ومش مداري.. ناس تزعق وناس تشتم وناس بتغني بصوت عالي .. ادينا مزنوقين ومستنين.. اللي مستعجل يقابل حبيبته، واللي متأخر على شغله، واللي راجع من سفر ملهوف على بيته وعيلته.. كل واحد في همه مستني الفرج.. سرحان في دنيته وحكاويها.. ياغاوي مرها ومقضيها، ياشقيان من غُلبها وماشي فيها.. اهي ابتدت تفك شوية يامسهل وكل واحد يمشي في طريقه.. طرق متشبكة بس في حياتنا متفرقة.. وادي مطب لبسنا فيه بعد ماطلعت عينينا في الزحمة، عادي مهو اصل مفيش حاجة بتيجي كدة سهلة.. مطب، وحفرة، وعربية عطلانة.. واهو كله هيعدي .. نسمة هوا بريحة مطر جاية.. هونت الزحمة والحفرة اللي جاية..
No comments:
Post a Comment