لما قالولي دي عربيتك وراكنة تحت البيت والمفاتيح اهي يللا خديها.
اتفاجأت ب ال 127 وقلت اه هاتعلم عليها.
على كبر قررت اتعلم واخش بقلب جامد وابلطج عللي يبلطج عليها.
صغيرة بس بيخافو منها جدا اصلها صاج مش فايبر زي معظم اللي حواليها.
وانا طبعا مصدقتش الا بعد عشرة طويلة بيننا قدرت تحتويني واحتويها.
قصتها بدأت في طريق الساحل يعني عشرية وتحب الفسح والخروج وتكره الكآبه زي عنيها .
وفي الزحمة تسخن وتقرر هووووب اهربي من اي فتحة شارع تلاقيها.
بركة دي مش بس عربية لا دي ستر و غطاء يارب يخليها.
اللي يشوفها يقولي شبهك. اصلي بلاقي نفسي فيها.
No comments:
Post a Comment