غسيل مخ

-انتوا مين؟

*احنا جايين عشان نحل مشكلة الزحمة اللي هنا ونكنس مطرحها..

- اعتبروه بيتكم

*هنرمي جزء من ذكرياتك القديمة..شاغلاك عالفاضي ومالهاش لازمة

# وايه ده كمان؟ بذمتك في مخ محترم يفكر في الحاجات دي؟

-يادي الكسوف..

*اكنس يابني اكنس

#كدة مافضلش غير الحاجات اللي دايما بتأجلها لبكرة

*لو منك..كنا بعتناله اشارة يبتدي بأول حاجة فيهم

-"أقولها ان انا بحبها"،متأكدين؟

*مفيش وقت أنسب..دلوقتي انت فاضي ورايق وحلني بقى على ما نيجي ننضفك تاني

-استعنَا عالشقى بالله

عينه لمعت و هو بيفكر في رد فعلها لما يعترفلها..

ساب عربيته وطلع يجري في طريقه ليها وسط العربيات

لازم يقولها بسرعه قبل ما دماغه تتزحم تاني..