في ناس نصيبها ف الدنيا انها تدي الحب وماتاخدوش عندها حب يساع الكون وحنان ملوش اخر، ونتيجة الحب والعطاء ده بتاخد ولا حاجة.. يمكن نصيبها ورزقها محدش يحبها ويحتويها ويتمسك بيها ويشوف الدنيا بعنيها ولما تغيب تغيب كل حاجة حلوة معاها.. اصل كل ده رزق والحب اكبر الارزاق.. هيا بتشوف الدنيا بعنيهم هما "حبايبها" تسأل عليهم وتفتكرهم في كل حاجة حلوة، ده طعم الحاجة بتحلو بوجودهم.. بشوف جنبي وحواليا كتير كده، ناس معطاءة، طيبه وحنينه، عايشين عشان سعادة غيرهم ورضاهم وضحكتهم بتجيب الفرحة ليهم..
يمكن ناس كتير ميعرفوش قيمتكم بس انتو اللي بتخلوا الدنيا حلوة وانتوا الطيبه والحنيّه وانتوا الحضن اللي يساع كل الناس .. انتو من غيركوا الحياه ماتبقاش حياه وبيكم الدنيا اجمل وانقى واطهر ..
No comments:
Post a Comment